مبتدئة، من وين أبدأ؟
لأني كنت في يوم مبتدئة أعتقد إن هذي التدوينة كانت بتختصر علي تيه البدايات لو حصلت زيها في هذاك الوقت
.عشان كذا اعتبرو هذه التدوينة هي البوصلة اللي رح تدلكم على بداية الطريق بإذن الله 🤍
قبل تبدأين في هذه الحرفة لازم تعرفين أن عندك ثلاث طرق لتشكيل الطين:
١_ التشكيل اليدوي
٢_ التشكيل عن طريق العجلة
٣_ التشكيل عن طريق القوالب
من وجهة نظري أسرع طريقة للتعلّم وأقلها تكلفة هي (التشكيل اليدوي) وتقدرين بعدما تحترفينها تبدأين تتعلمين على الطرق الثانية .
. وش أحتاج عشان أبدأ؟
(طين)
ملاحظة: الطين مختلف عن عجينة السيراميك
عجينة السيراميك تستخدم للزينة فقط ولا تتعرض للحرق وموادها مختلفة تماما.
١_ وفي حرفتنا إحنا محتاجين طين . . أنصح بالطين الإيطالي للمبتدئات (earthenware) حرق منخفض
تحصلونه هنا 👇🏻
أو هنا 👇🏻
وتقدرين تستخدمين أي طين آخر
(المهم تعرفين أسم الطين ونوعه عشان إذا وصلتي لمرحلة الحرق تعرفين درجة الحرارة المناسبة)
٢_ وتحتاجين أدوات للعمل:
تحصلونها في جرير أو شي إن أو نون وأي موقع كماليات
ولأن فيه عدة طرق للعمل اليدوي احتمال تحتاجين قطع الخشب لموازاة شريحة الطين وفرّادة ويفضّل خشبية ✔️
٣_ وتحتاجين قطعة قماش (كتان أو قماش خيام "الدوت" )
بس؟
في المرحلة الأولى من التدريب أيوه بس
طيب كيف أبدأ أتعلم أشكّل ؟
جيبي طاولة للعمل ويفضّل خشبية
أفرشي عليها القماش
اقطعي كتلة من الطين حسب القطعة اللي بتشتغلينها
جهزي أدواتك . .
شوفي هذي المقاطع واستعدي للتطبيق 👇
أو تقدرين تسجلين معاي (عن بعد) في دورة مبادئ الفخار والبناء اليدوي 👍🏻
الدورة موجودة تحت التدوينة مباشرة 👇🏻 وكل تفاصيلها في صندوق الوصف والصور 😍
وممكن تتابعين تدويناتي عن عالم الفخار الممتع وتستمتعين معاي بالتعلم 🤍
